|
|
|
|
ЦИРКУЛЯРЫ ПО ВОРОНЕЖСКО-БОРИСОГЛЕБСКОЙ ЕПАРХИИ |
|
|
По благословению Высокопреосвященнейшего Сергия, митрополита Воронежского и Борисоглебского, во всех храмах Воронежской и Борисоглебской епархии, в воскресные дни до начала Великого поста (15\28 января, 22\4 февраля, 29\11февраля), по окончании Божественной Литургии необходимо совершать молебен с добавлением тропаря и кондака святому мученику Трифону и запева: «Святый мучениче Трифоне, моли Бога о нас». По окончании молебна читать молитвы святому и заклинание святого мученика Трифона об избавлении от вредоносных тварей. Секретарь Воронежской и Борисоглебской епархии Тропарь святому мученику Трифону Мученик Твой, Господи, Трифоне, во страдании своем венец прият нетленный от Тебе, Бога нашего: имеяй бо крепость Твою, мучителей низложи, сокруши и демонов немощныя дерзости. Того молитвами спаси души наша. Кондак Избранный от Бога и к лику святых сопричтенный, святый мучениче Трифоне! Молися о нас, грешных, Владыце Христу и помогай нам побеждати мир, плоть и диавола, многообразно воюющия на ны, якоже победил еси их благодатию и силою возлюбленнаго тобою Христа, да, избавльшеся от врагов наших видимых и невидимых, благодарственно воззовем ти: Радуйся, Трифоне, скорый помощниче всем, с верою и любовию к тебе притекающим!
О святый мучениче Христов Трифоне, скорый помощниче и всем к тебе прибегающим и молящимся пред святым твоим образом скоропослушный предстателю! Услыши ныне и на всякий час моление нас, недостойных рабов твоих, почитающих святую память твою во всечестнем храме сем, и предстательствуй о нас пред Господем на всяком месте. Ты бо, угодниче Христов, в великих чудесех возсиявый, источаяй цельбы притекающим к тебе с верою и сущия в скорбех человеки заступаяй, сам обещался еси прежде исхода твоего от жития сего тленнаго молитися за ны ко Господу и испросил еси у Него дар сей: аще кто в какой-либо нужде, печали и болезни душевней или телесней призывати начнет святое имя твое, той да избавлен будет от всякаго прилога злаго. И якоже ты иногда дщерь цареву, в Риме граде от диавола мучиму, исцелил еси, сице и нас от лютых его козней сохрани во вся дни живота нашего, наипаче же в день последняго нашего издыхания предстательствуй о нас. Буди нам тогда помощник и скорый прогонитель лукавых духов, и к Царствию Небесному предводитель. И идеже ты ныне предстоиши с лики святых у Престола Божия, моли Господа, да сподобит и нас причастники быти присносущнаго веселия и радости, да с тобою купно прославляем Отца и Сына и Святаго Утешителя Духа во веки. Аминь. Молитва вторая О святый мучениче Христов Трифоне, услыши ныне и на всякий час моление нас, раб Божиих (имена), и предстательствуй о нас пред Господем. Ты некогда дщерь цареву, во граде Риме от диавола мучиму, исцелил еси: сице и нас от лютых его козней сохрани во вся дни жития нашего, наипаче же в день последняго нашего издыхания предстательствуй о нас. Моли Господа, да сподобит и нас причастники быти присносущнаго веселия и радости, да с тобою купно удостоимся славити Отца и Сына и Святаго Утешителя Духа во веки веков. Заклинание святого мученика Трифона Заклинаю вас, многовидные звери, червии, гусеницы, хрущи и прузи, мыши, щуры и критницы, и различные роды мух и мушниц, и молей, и мравей, и оводов же, и ос, и многоножец и многобразные роды ползующих по земле животных, и летающих птиц, вред и тщету нивам, виноградам, садам и вертоградам насосящих, Богом-Отцом изначальным, Сыном его собезначальным и единосущным и Духом его пресвятым, Отцу и Сыну единосущным и животворящим. Заклинаю вас в очеловечение единородного Сына Божьего, Господа нашего Иисуса Христа, и по житиям его на земли с человеки, страстью же его спасительною, животворящею его смертию, и тридневным его воскресением, и в небеса вознесением, всем его божественным спасительным смотрением. Заклинаю вас и святыми многочинными, херувимами, крылатыми серафимами, витающими окрест престола и зовущими - свят, свят, свят!!! |