|
Отцам благочинным Воронежской епархии
ЦИРКУЛЯРНОЕ ПИСЬМО
Сообщаем Вам, что по благословению Его Святейшества,
Святейшего Патриарха Московского и всея Руси
Алексия II
по окончании Божественной литургии в Великую субботу необходимо
совершить молитву о мире на Святой Земле
«Господи, Боже Вседержителю, Едине Святе и
Всемилостиве, Едине Б лаже и Человеколюбие! Тебе просим и Тебе молимся
из глубины сердец наших о мире во граде Иерусалиме.
Господи, Боже наш, Сладчайший Иисусе! К Тебе возводим очи наша и молимся
о Святей Земли, тамо бо протече Твое земное житие, тамо совершися святое
Благовещение, тамо бысть Твое воплощение, тамо принесе Тя Пречистая Дева
Богородица в Иерусалимский храм, тамо Ты крестися во Иордане реце, тамо
Ты сотвори многая чудеса и исцели больныя и немощныя, тамо Ты просвещаше
заблудшия и возставляше падшия, тамо Тебе предаша на Распятие, тамо
Тобою побеждена бысть смерть, тамо бысть Твое Воскресение, оттуду Ты
вознесеся к Престолу Небесного Отца, сюду послан бысть во утешение нам
Дух Святый.
Господи, Иисусе Христе, спаси и сохрани Святую Землю, видевшую Твоя
страдания и обагренную кровию первых мученик. Зде поживе Твоя Пречистая
Мати, Дева Мария, зде Ты явися в славное Ея Успение и взят Ю с Собою к
Престолу Вседержителя., Отсюду, шедше на проповедь Твоя ученицы, начаша
просвещати и освящати мир Святым Евангелием.
Господи, Ты веси, како страждут людие на Святей Земли и кия раздоры и
брани, оскверняюще, бесчестят святое место сие. Се бо, идеже подобаше
возноситися молитве о мире всего мира, зде ныне разрушение и слезы,
обаче не радости, но страдания.
Господи, вемы, яко грехов ради наших достойны есмы наказания с Небесе,
обаче молим Тя: суди не по злобе нашей, но ради неизреченного Твоего
милосердия обрати Свой гнев, праведно движимый на нас, в милость. Ты
связал еси союзом любве апостолы, свяжи любовию и наша жестокая сердца и
даждь нам вкусити ея блага, умири злобу враждующих, разруши силы зла,
подаждь мир всему миру, наипаче же граду Иерусалиму.
Вкупе с псалмопевцем Давидом простираем и мы к Тебе своя ослабленнии
руце и умильно вопием: не призри нашего моления, Господи! Да не во зло
обратим дарованная нам блага жития, укрепи нас помощию святых Ангел и
Архангел и всего Небеснаго Воинства, да сподобимся стати одесную Тебе,
Великаго Судии и Бога нашего, и со всеми святыми наследуем блага
Небеснаго Иерусалима, славяще Всесвятую Троицу Отца, и Сына, и Святаго
Духа ныне и присно и во веки веков. Аминь.».
+ Сергий,
митрополит
Воронежский и Борисоглебский
|
